Si të Lexoni Bilancin

01Struktura bazë: një ekuacion i thjeshtë

Çdo bilanc respekton të njëjtën logjikë themelore:

Me fjalë të tjera: gjithçka që zotëron biznesi është financuar ose nga borxhe (detyrime ndaj të tjerëve), ose nga kapitali i vet pronarëve.

02Aktivet: çfarë zotëron biznesi

Aktivet ndahen në dy grupe kryesore:

• Aktive afatshkurtra — para në bankë/arkë, para në rrugë e drejt inkasimit nga klientë, stoku i mallrave — gjëra që priten të kthehen në para brenda 12 muajve.
• Aktive afatgjata — pajisje, mjete, ndërtesa, licenca — gjëra që përdoren për vite me radhë dhe humbin vlerë gradualisht (amortizimi).

03Detyrimet: çfarë i detyrohet biznesi të tjerëve

Po ashtu ndahen sipas afatit:

• Detyrime afatshkurtra — fatura të papaguara ndaj furnitorëve, paga të papaguara, taksa të papaguara — duhen shlyer brenda 12 muajve.
• Detyrime afatgjata — kredi bankare me afat mbi 1 vit, lizinge afatgjata.

04Kapitali: çfarë u mbetet pronarëve

Kapitali është ajo që mbetet kur zbresim detyrimet nga aktivet — pjesa që realisht u 'përket' pronarëve. Përfshin kapitalin fillestar të investuar dhe rezultatin e pashpërndarë (fitimet e akumuluara nga vitet e mëparshme që nuk janë tërhequr si dividend).

05Tregues kyç për t'i vështruar

• Likuiditeti — a mbulojnë aktivet afatshkurtra detyrimet afatshkurtra? Nëse jo, biznesi mund të ketë vështirësi të paguajë faturat afatshkurtra edhe nëse është "fitimprurës" mbi letër.
• Niveli i borxhit — sa e madhe është pesha e detyrimeve krahasuar me kapitalin? Një peshë shumë e lartë borxhi rrit rrezikun në rast vështirësish.
• Ndryshimi vit-me-vit i kapitalit — nëse kapitali rritet çdo vit, biznesi po akumulon vlerë; nëse bie, ose po tërhiqen shumë dividendë, ose biznesi po humbet para.

06Sinjale që meritojnë vëmendje

Disa shenja që ia vlen t'i diskutoni me kontabilistin tuaj: rritje e shpejtë e detyrimeve afatshkurtra pa rritje përkatëse të aktiveve; rënie e vazhdueshme e rezultatit të pashpërndarë; ose stoqe që rriten pa u shitur (shenjë e mundshme e mallrave të ngecura).